Bloemfonteinse spelers het aan die junior nasionale onderwaterhokkie-toernooi in Somerset-Wes deelgeneem.

Lede van die Bloemfontein Sub Aqua-klub is ingesluit in spanne vir dié toernooi, wat van 26 tot 28 Maart gehou is.

Die o.13-spelers Juliet Kruger, Leah Odendaal en Zach Theron (almal van die Laerskool Willem Postma) was in die Gauteng-span, wat algeheel derde was.

Die o.16-meisies Morgen Odendaal (Willem Postma) en Liané Bisschoff (Hoërskool Sentraal) het ook vir Gauteng gespeel en was tweede.

Die o.19-seuns Xavier Branco (Grey-kollege), Kaleb Ras (tuisonderrig) en Liam Potgieter (Hoërskool Jim Fouché) was in die Noordwes-span, wat die wenner in sy afdeling was.

Janelle Botha (tuisonderrig), Taylor Coetzee (Eunice High School) en Kristi Lategan (tuisonderrig) is ingesluit in die o.19-meisiespan van Noordwes en was algeheel tweede.

Vier lede van die Bloemfontein Sub Aqua-klub is nou in Suid-Afrikaanse o.19-spanne ingesluit. Taylor en Janelle (onderkaptein) is in die meisiespan, en Kaleb en Xavier (kaptein) is in die seunspan.