Hy wou graag sien hoe sy boerewors-resep kers vashou by van die land se beste resepte.

So sê Luhan Pretorius (46) van Fichardtpark wat een van die tien finaliste is in Checkers se Championship-boereworskompetise.

Luhan, ‘n afdelingsbestuurder van Checkers se Meat Market in Bloemfontein, sê sy boereworsresep vir die kompetise is dieselfde resep wat hy al die afgelope 25 jaar gebruik.

Hy sal op Saterdag 15 Augustus teen die ander finaliste meeding waar een die kroon gaan dra as Checkers se Boereworskampioen.

Vir hom het die maak van goeie boerewors nog nooit gegaan oor die herontwerp van tradisie nie. In stede daarvan het hy oor die jare klein aanpassings gemaak om die sagte, vol geur te bereik wat hy wou hê.

“Goeie boerewors begin met goeie gehaltevleis, die regte speserye en aandag aan besonderhede,” sê hy. “Niks ongewoons is nodig nie.”

Hy glo boerewors bly ‘n belangrike deel van die Suid-Afrikaanse kultuur. “Boerewors was deel van ons lewens sedert ons gebore is,” sê hy. ” Dit is van ons ouers en grootouers oorgedra.”

Nou in sy 34ste jaar, word die Championship Boerewors-kompetisie beoordeel deur ‘n kundige paneel van Suid-Afrikaanse sjefs. Alle resepte moet aan streng riglyne vir tradisionele boerewors voldoen. Die wenresep sal later vanjaar by Shoprite- en Checkers-winkels landwyd te koop aangebied word.

Die wenner sal ‘n Toyota Fortuner 2.4 GD-6 RB AT ter waarde van meer as R700 000 en R20 000 kontant ontvang. Die naaswenner sal R50 000 ontvang, terwyl die derde plek R30 000 sal wen.

Die ander finaliste is Amoré Stemmet van Kaapstad, Ashook Beharie van Ladysmith, Dean De Sousa van Bryanston, Mbali Dyamie van Gauteng, Melusi Masuku van Uluindi, Nakieta Aaron van Ceres, Pieter Jaars van Robertson en Quinton Erasmus van Brackenfell.