Laer Volkskool Graaff-Reinet is besonder trots op hul tweekamp-atlete wat onlangs tydens die prysuitdeling vir hul uitstaande prestasies vereer is. Hierdie leerders het met harde werk, deursettingsvermoë en ’n passie vir sport hul merk gemaak op provinsiale én nasionale vlak.
OP-kleure ontvang
- Franco Wolfaardt, JJ van Schalkwyk en Minke Marincowitz het aan die Suid-Afrikaanse Kampioenskappe deelgeneem en is met OP-kleure vereer.
- Zarah van der Merwe het aan drie provinsiale byeenkomste deelgeneem en ook OP-kleure ontvang – ’n bewys van haar konstante prestasie en toewyding.
Provinsiale deelname
- Nika Wolfaardt het aan twee provinsiale byeenkomste deelgeneem en waardevolle ervaring opgedoen wat haar sportloopbaan verder sal versterk.
Hierdie prestasies weerspieël die toewyding en karakter wat ons by Volkskool koester – om altyd jou beste te gee en trots jou skool te verteenwoordig.
Laer Volkskool Graaff-Reinet is ongelooflik trots op julle en wens elke atleet alle sukses toe vir die komende seisoen!
