Die Malmesbury-polisie ondersoek ‘n saak van veediefstal nadat 54 merinoskape ter waarde van ongeveer R135 000 tussen Maandag en Dinsdag 7 en 8 Julie op ‘n plaas in die omgewing gesteel is.
Ander polisietakke in die Weskus ondersoek ook veediefstalsake wat die afgelope week in die Weskus-polisiedistrik aangemeld is.
Op Nuwerus is 25 skape tussen 2 en 8 Julie op ‘n plaas gesteel.
Tussen 8 en 9 Julie is agt hoenders ter waarde van R100 op ‘n plaas in die Riebeek-Wes-omgewing gesteel.
Twee skape is in dieselfde tyd in die vroeë oggendure op ‘n plaas in die Lutzville-omgewing gesteel.
