Probeer Dawid Botha van Lekker Weskus se sappige steakresep met brandewyn en groenpeperkorrels.

Bestanddele

Wildebeest-brandewyn

2 eetlepels groenpeperkorrels in pekel

1 knoffelhuisie

1–2 sjalotte

‘n paar takkies tiemie

125 ml vars room

botter vir braai

jou gunsteling-steak

sout na smaak

Metode

Berei die steak voor:

1. Laat jou steak op kamertemperatuur kom.

2. Geur dit mildelik met sout om die vog uit te trek.

3. Braai oor hoë hitte tot die interne temperatuur 55 °C bereik vir ‘n perfekte medium-gaar steak.

Maak die sous:

4. Smelt botter in ‘n pan oor medium hitte.

5. Voeg die gekapte sjalotte by en

soteer tot sag – moenie laat die verbruin nie.

6. Voeg nou die fyngedrukte knoffel en groenpeperkorrels by en roer deur.

7. Voeg brandewyn by. Gooi so 50 ml Wildebeest-brandewyn in die pan en laat dit prut totdat die alkohol uitgekook is.

Finale geur:

8. Voeg die tiemietakkies en vars room by. Laat die sous stadig kook totdat dit effens verdik het. Roer af en toe.

Bedien:

9. Sny jou steak in repe en skep die romerige, gegeurde sous mildelik daaroor.

Bedien met ‘n glasie brandewyn en geniet die wintersgenot.