Dis tyd vir die negende jaarlikse Velddrif-myl- en 3-km-swem-geleentheid. Kom moedig swemmers Saterdag (8 November) by die Port Owen-marina in Velddrif aan en kyk hoe deelnemers aan die pret-swem in die water baljaar.
Inskrywings het reeds gesluit vir die amptelike Velddrif-myl-swem van 1,6-km en die gevorderde swem (3 km). Die items begin om 08:15 in die kanaal.
Hierna volg die pretswem van 500 m waarin swemmers van alle ouderdomme gaan deelneem, geklee in enigiets. Ondersteunende swemoestelle soos lilo’s en swembadnoedels word vir die pretswem toegelaat, maar geen swemvinne nie. Dit begin om 10:10 by die Port Owen-skeepshelling (slipway) in die Port Owen-marina.
Prysuitdeling
Die einde van die swemren en die prysuitdeling is by die Port Owen-seiljagklub in Bronwenstraat. Opwindende pryse en ander gelukstrekkingspryse sal op die spel wees.
Die prysuitdeling sal omstreeks 11:15 begin.
Toeskouers is welkom om die swemmers aan te moedig, maar moet asseblief nie private eiendom, bote of kaaie langs die kanaal betree nie.
Besoek facebook.com/velddrifmileswimmingevent of bel Ross by 083 444 9939 vir nog inligting.
