Ons almal ken ‘n malvapoeding, maar soms wil jy hom ‘n bietjie opkikker met ‘n bietjie brandewyn, of selfs rum. Hier is ‘n vinnige en maklike resep vir jou volgende malvapoeding, met ‘n brandewyn-sjokoladesous.
Bestanddele
1 koppie (200 g) witsuiker
2 groot eiers
1 eetlepel appelkooskonfyt
1 koppie (125 g) koekmeel
1/4 koppie (30 g) goeie kwaliteit kakao- poeier
1 teelepel koeksoda
knippie sout
1 eetlepel asyn (bruin spiritus-asyn werk goed)
1/2 koppie (120 ml) melk
2 eetlepels (30 g) botter, gesmelt
Brandewyn-sjokoladesous
1 koppie (250 ml) room
1/2 koppie (100 g) witsuiker
100 g donker sjokolade (70%), gekap
1/4 koppie (60 ml) brandewyn
2 eetlepels botter
Metode
1. Voorverhit die oond tot 180°C.
2. Smeer ‘n medium oondvaste bak liggies met botter.
3. Klits die suiker, eiers en konfyt saam tot lig en romerig.
4. Sif die meel, kakaopoeier, sout en koeksoda saam in ‘n aparte bak.
5. Meng die asyn, melk en gesmelte botter in ‘n beker.
6. Voeg die droë bestanddele by die eiermengsel, afgewissel met die melkmengsel, en meng tot glad.
7. Gooi die beslag in die bak en bak vir 30 tot 35 minute, of tot ‘n toetspen skoon uitkom.
Brandewyn-sjokoladesous:
8. Verhit die room en suiker liggies in ‘n kastrol totdat die suiker opgelos is.
9. Verwyder van die hitte, voeg die sjokolade by en roer tot dit heeltemal gesmelt is.
10. Roer die brandewyn en botter by tot die sous blink en glad is.
11. Gooi die sous oor die warm poeding sodra dit uit die oond kom sodat dit lekker intrek.
12. Hou ‘n bietjie sous eenkant vir
bediening.
Bedien warm saam met vanieljeroomys of geklopte room. Vir ekstra bederf, sprinkel geroosterde amandels oor of drup nog gesmelte sjokolade bo-oor, net voor opdiening. As jy lus is vir iets dramaties, verhit ‘n bietjie ekstra brandewyn, steek dit aan die brand en gooi dit by die tafel oor die poeding.
◘ Bron: Lekker Weskus | lekkerweskus.co.za/soet-goed/brandy-malva-poeding
