Landbouleerders aan die Hoërskool Trio in Kroonstad het puik gevaar in die nasionale plaasvaardigheidkompetisie wat op die Nampo Alfa-skou op Nampopark by Bothaville gehou is.
Die leerders wat die Vrystaatspan hier verteenwoordig het, het die volgende prestasies behaal:
■ Lené Fourie en Louinique van Heerden het ‘n eerste plek in skaaphantering behaal;
■ Stiaan Naudé en Dillan de Preez het in ram- en ooi-seleksie ‘n eerste plek verwerf;
■ Jeanette Tloome het ‘n eerste plek in die afdeling vir melkbeeste verwerf;
■ Kyla Claassens het die tweede plek in die afdeling vir senior vleisskape behaal;
■ Adriaan Brak ‘n derde plek vir vleisbeeste;
■ Francois Venter was tweede in die trekker-foutopsporingsafdeling; en
■ In die afdeling statiese diere het PB Marais ‘n eerste plek vir sierduiwe ontvang en Wian Pienaar ‘n eerste plek in die pluimvee-klas.
Trio het altesaam vyf eerste plekke, twee tweede plekke en ‘n derde plek in die nasionale kompetisie verwerf.
Die Vrystaatspan was eerste in die nasionale kompetisie.
