Met die vakansie hier is batik-koek ‘n heerlike en maklike bederf vir elkeen met ‘n soettand.
Jy benodig:
- 200g Milo-poeier;
- een blikkie kondensmelk;
- vier eiers;
- eeb teelepel vanieljegeursel;
- 150g margarien; en
- Cream Crackers of Marie-beskuitjies.
Metode:
- Klits eiers goed.
- Meng die kondensmelk en Milo-poeier.
- Meng dit nou in by eiers, smelt die botter en gooi by die mengsel. Kook by medium hitte tot dik.
- Breek elke beskuitjie in vier stukke.
- Voer ‘n broodpannetjie met bakpapier uit − die bakpapier moet oor die kante van die pannetjie hang − en spuit met kleefwerende baksproei.
- Begin deur die gebreekte beskuitjies los op die bodem van die pannetjie te pak.
- Daar moet oop ruimtes tussen die koekies wees. Gooi ‘n bietjie van die kondensmelkmengsel oor beskuitjies.
- Herhaal die proses totdat al die bestandele op is. Vou die boonste gedeelte van die bakpapier oor die koek; druk mooi in blok.
- Plaas in yskas tot gestol. Sny in stukke en bedien.
− Bron: Kreatiewe Kos Idees
