Die Riebeeckstad-gimnastiekklub het aan die Bultfontein- vriendskaplike kompetisie deelgeneem. Die gimnaste het uitstekend presteer op dié byeenkoms op 9 Mei.

Marianca Alberts het op vlak 2 goud verwerf in die ouderdomsgroep vir 11 tot 12 jaar, vir alle apparaat, met ‘n telling van 9,05. Kaylin Meyer het ook op vlak 2 goud behaal, in die ouderdomsgroep 9 tot 10 jaar, met 9,06. Nina-Katryn Oosthuizen het goud in dieselfde ouderdomsgroep verower het met 8,83.

Mbalenhle Khumalo het goud gewen op vlak 1, in die ouderdomsgroep vir 7 to 8 jaar, vir alle apparaat. Haar telling was 8,8.

Liane Vorster het op vlak 1 silwer behaal in die ouderdomsgroep vir 5 tot 6 jaar, met 8,74; terwyl Miane Engelbrecht op vlak 3 silwer verwerf het in die ouderdomsgroep vir 10 tot 11 jaar, met 8,59.

Brons is toegeken aan Karabelo Letseleha (vlak 1, 11 tot 12 jaar, 8,45), Oratilwe Tutu (vlak 1, 9 tot 10 jaar, 8,49) en Este-Lee Oberholzer (vlak 3, 12 tot 13, 8,2).

LEES OOK: Klub se toewyding toe beloon