Aangesien misdadigers steeds hul patrone en gedrag aanhoudend aanpas en verander, is dit noodsaaklik dat huiseienaars tred hou met neigings en beter maniere om hul huise te beveilig, sê Charnel Hattingh, groephoof van bemarking en kommunikasie by Fidelity ADT.
Al meer huiseienaars belê in ooreenstemming met die energiekrisis in energie-vaardige produkte, wat vir misdadigers aantreklik geword het. ’n Nuwe neiging kom na vore waar misdadigers sonpanele teiken.
“Ons het die afgelope paar weke berigte ontvang van sonpanele wat uit eiendomme gesteel is – gewoonlik gedurende die dag terwyl huiseienaars by die werk is,” sê Hattingh.
Hattingh stel hierdie veiligheids-wenke voor:. Maak seker jou tuin is te alle tye goed belig.. Laat versperringsveiligheid altyd geïnstalleer word (elektriese heining, balke, sensorligte, diefwering en binne-opsporing). Sluit gereedskap en tuintoerusting weg. Moenie toelaat dat jou trapleer die middel is wat misdadigers kan gebruik om op jou balkon of dak te kom nie.. Moet nooit jou asblik oornag buite los nie, want misdadigers gebruik dit nie net om op te klim nie, maar ook om gesteelde goedere in te vervoer.. Sny oortollige struike en bosse weg, want dit dien as goeie wegkruipplek vir misdadigers.. Hou altyd jou alarm geaktiveer. . Sluit aan by jou plaaslike buurtwag en straat WhatsApp-groepe.. Om sigbare borde met waarskuwings oor gewapende reaksie te hê, kan ook as afskrikmiddel dien.. Die installering van hoëgehalte CCTV-kameras om en op jou perseel sal die polisie help met ondersoeke en opportunistiese misdadigers afskrik.
Bly waaksaam en laat niks aan die toeval oor nie. As jy iets verdags in of om jou woonbuurt sien, meld dit dadelik by jou private veiligheidsmaatskappy en die plaaslike polisie aan.
