Die Weskus Senior A-netbalspan het van 1 tot 7 Desember in die B3-afdeling aan die Spar- nasionale kampioenskap op Ellispark in Johannesburg deelgeneem en ’n bronsmedalje huis toe gebring.
Die span het nadat onoorwonne tellings aangeteken is, in die halfeindronde 46-51 teen die span van Frances Baard verloor. Weskus se A-span het daarna vir ’n derde en vierde plek teen Capricorn se B-span meegeding en hulle met ’n telling van 40-35 gewen.
Die uitslae was: Weskus t. Uthukela 67-27, Weskus t. Capricorn B: 40-34, Weskus t. Mofutsanyane: 49-27, Weskus t. Amajuba: 49-34 en Weskus t. Ekurhuleni B 36-33.
