Lede van die Moorreesburg-polisie het die Dolfyntjies-kleuterskool in die dorp Donderdag 7 Desember besoek, waartydens AO Nicolette Visagie hul regte aan die kinders verduidelik het.
Visagie het uitgebrei oor gemeenskapsveiligheid en misdaad teen kinders in die vorm van ’n prettige poppekasvertoning.
Pamflette en suigstokkies is aan sowat 89 kinders uitgedeel.
Die opvoedkundige besoeke is deel van die Moorreesburg-polisie se aktivisme-veldtog (25 November tot 10 Desember) teen geweld teen vroue en kinders.
