WELKOM. Skietkompetisie. Primêre Skool Naudeville se Ankia van der Merwe het op Saterdag 3 Oktober ’n uitstekende prestasie gelewer. Sy het deelgeneem aan die Goudveld Jagters-tak se .22-randslaggeweer-skietkompetisie.
Ankia het haar skietvernuf ten toon gestel deur twee keer aan die kompetisie deel te neem en by albei geleenthede ’n perfekte volpuntetelling te behaal. Haar uitsonderlike vertoning het daartoe gelei dat sy as die beste meisieskut van die dag aangewys is.
Hierdie merkwaardige prestasie getuig van haar toewyding, talent en deeglike voorbereiding. Primêre Skool Naudeville is trots op Ankia se sukses en wens haar geluk met hierdie besondere prestasie.
Foto voorsien
You must be logged in to post a comment.