Senekal Redenaarfees. Primêre Skool Naudeville se redenaars het hul talente met groot sukses ten toon gestel tydens die Senekal Redenaarfees. Hulle het nie net sertifikate verower het nie, maar ook spesiale toekennings ontvang.
Goue Sertifikate
Die volgende leerders het met hul uitmuntende voordrag en selfvertroue goue sertifikate verower:
- Frederich Barnard
- Lenique Loggenberg
- Kiara Barnard
- Hanno van Jaarsveld
- Elle-Anne Roper
Spesiale Toekennings
- Lenique Loggenberg is bekroon met die prys vir Beste Aanbieding, ’n erkenning vir haar sterk podiumteenwoordigheid en oortuiging.
- Frederich Barnard het die prys vir Beste Taalgebruik ontvang, wat sy verfynde woordkeuse en taalvaardigheid beklemtoon.
Nasionale Deelname
Naas Hanno van Jaarsveld se sukses by Senekal, verteenwoordig hy Naudies op ’n nog groter verhoog. Hy neem op 24 Augustus deel aan die Nasionale Forte-rondte van die Con Spirito Kunsvereniging. Dit sal plaasvind by Leeuwenhof Akademie, ’n Christelike Afrikaanse privaatskool.
Hanno se deelname is ’n besondere prestasie wat sy talent en toewyding beklemtoon. “Die hele Naudies-gemeenskap wens hom sterkte toe en glo dat sy volharding en passie hom ver sal neem.”
Skooltrots
Die Naudeville-gemeenskap is uiters trots op elke deelnemer. Hierdie prestasies weerspieël die leerders se harde werk, deeglike voorbereiding en selfvertroue, wat duidelik vrugte afgewerp het. Die redenaars se sukses dra by tot die skool se reputasie as ’n plek waar taal, kultuur en selfuitdrukking hoog geag word.
Foto’s verskaf
You must be logged in to post a comment.