Leerlinge van Primêre Skool Naudeville het weer eens hul talent op nasionale vlak getoon. Hulle het uitstekend presteer tydens die nasionale rondte van die Suid-Afrikaanse Literêre Kunsvereniging (SALA) se redenaarskompetisie. Dit het virtueel op Saterdag, 19 September plaasgevind.
SALA (Suid-Afrikaanse Literêre Kunsvereniging) se nasionale redenaarskompetisie is een van die mees vooraanstaande landswye platforms vir jong sprekers. Die kompetisie bied leerders van regoor Suid-Afrika die geleentheid om hul redenaarsvernuf en kritiese denke te ontwikkel en te demonstreer. Deur leerders in sowel voorbereide as onvoorbereide toesprake te beoordeel, fokus SALA daarop om selfvertroue en taaluitnemendheid onder die jeug te kweek.
Die leerders van Naudeville het strawwe kompetisie van regoor die land in die gesig gestaar, maar het hul staal gewys met indrukwekkende uitslae:
- Lenique Loggenberg – Eerste plek
- Mila-ne Botes – Eerste plek
- Lize Blom – Tweede plek
- Frederich Barnard – Derde plek
- Nicko Loggenberg – Derde plek
- Elle-Anne Roper – Derde plek
- Kiara Barnard – Agtste plek
Die skool het hul trots en hartlike gelukwense aan die deelnemers uitgespreek. Hierdie uitsonderlike resultate getuig van die leerders se harde werk, goeie voorbereiding en die skool se voortgesette fokus op die ontwikkeling van opnbare redespeletjies en kommunikasievaardighede.
https://naudies.co.za
Foto vorsien
You must be logged in to post a comment.