NELSPRUIT – SA Jeug Padfietsrykampioenskappe. Nelspruit se Jessica Bell het gedurende die skoolvakansie ’n indrukwekkende debuut by die SA Jeug Padfietsrykampioenskappe in Oudtshoorn gemaak. Sy het aan haar eerste padfietswedren by die SA-kampioenskappe deelgeneem.

Sy het saam met mede-Mpumalanga-ryer Maya de Vries van vroeg in die wedren af ’n sterk tempo gehandhaaf. Die twee ryers het hul wedrenstrategie uitstekend uitgevoer. Hulle slaag daarin om saam met slegs twee ander deelnemers die voortou te neem.

In die beslissende laaste deel van die wedren het Jessica en Maya op ’n kort opdraande hul aanval geloods en ’n waardevolle voorsprong opgebou. Hulle het die gaping oor die laaste vyf kilometer suksesvol verdedig. Jessica verower uiteindelik die silwermedalje.

Sy het ook deurgaans sterk vertonings tydens die kampioenskappe gelewer en haar deelname afgesluit met nog twee vierde plekke en ’n verdere tweede plek. Dit is ’n bewys van haar uitstekende vorm op nasionale vlak.

https://nelliesh.co.za/

Foto’s voorsien