Hoërskool Rustenburg se o.14A-krieketspan het die Noordwes T20-liga met ’n dawerende vertoning afgeskop. Die jong Rustie-krieketspelers het hul karakter en talent ten toon gestel met ’n oorweldigende oorwinning van 89 lopies teen Hoërskool Lichtenburg.
Met die kolf het André Jooste die ster geword, sy briljante 84 lopies van 56 balle het die toon aangegee. Hy is uitstekend ondersteun deur Christopher Oelofse, wat 59 lopies van 64 balle aangeteken het. Saam het Rustie-krieket ’n indrukwekkende 150-lopie openingsvennootskap opgebou wat die Rusties se kolfbeurt die vonke laat spat het.
Rustie-krieket se boulers het die momentum perfek afgerond: Lichtenburg kon slegs 92/7 in 20 beurte aanteken, met Rustie-boulers en veldwerk wat die druk deurentyd behou het.
Die seisoen is aan – en die Rusties het gewys dat hulle met trots, energie en ongelooflike spanwerk die liga gaan aanpak.
“Let’s go Rusties!“
Foto’s verskaf
