Bloemfontein – Gedurende die naweek van 2 Oktober het twee van Primêre Skool Jim Fouché se talentvolle D13-atlete, Amber Frewen en Roubaix Steenkamp, aan die AFS Atletiekliga 1 deelgeneem.
- Amber Frewen het ’n uitmuntende prestasie gelewer. Sy het die eerste plek in gewigstoot verower met ’n afstand van 9,08 m. Sy het ook ’n vyfde plek in diskus behaal met ’n afstand van 25,83 m.
- Roubaix Steenkamp het sterk meegeding en die 6de plek in die diskus verower met ’n afstand van 24,21 m.
Beide atlete het ook aan die hamergooi deelgeneem. Hoewel hierdie item nie vir punte getel het nie, was dit ’n waardevolle geleentheid om ervaring op te doen. Hulle het ook die geleentheid gehad om hul vaardighede verder te slyp.
Die skoolgemeenskap is uiters trots op Amber en Roubaix se prestasies en wens hulle sterkte toe vir die res van die atletiekseisoen. Hierdie resultate bevestig die groeiende talent en toewyding van ons jong atlete.
Foto verskaf
