Oranje Primêr in Bloemfontein is ongelooflik bevoorreg om vanjaar die 21ste ITEC Pietie Coetzee Hokkietoernooi aan te bied – ’n besondere mylpaal in die geskiedenis van Oranje‑hokkie. Die naweek was gevul met topklasse wedstryde, spangees en ’n atmosfeer van trots en prestasie.

Finale Uitslae

• 1ste – Oranje Primêr
• 2de – Chelsea Prep
• 3de – Paarl Gim
• 4de – Eunice
• 5de – Menlopark
• 6de – Vaalpark
• 7de – Willem Postma
• 8ste – Helderkruin

Oranje se uitslae

• OMS wen Vaalpark 5–0
• OMS wen Helderkruin 3–0
• OMS wen Paarl Gimnasium 1–0
• OMS wen Chelsea Prep 1–0
• OMS wen Menlopark 1–0
• OMS speel gelykop teen Willem Postma 0–0
• OMS speel gelykop teen Eunice 0–0
• Halfeindstryd: OMS wen Paarl Gimnasium 1–0
• Finaal: OMS wen Chelsea Prep 2–0

Primêre Meisieskool Oranje word dus as die toernooiwenners aangewys en hou vanjaar die beker tuis.

Oranje se Anoeck Stapelberg is ook aangewys as die Beste Speler van die Toernooi!

Baie geluk aan ons o.13A Eendjies! Julle het deurgaans met toewyding, spangees en trots gespeel.

Dank en Erkenning

’n Groot dankie aan elke hokkiemeisie, afrigter, spanbestuurder, personeellid en ouer wat deur harde werk, ondersteuning en spangees tot hierdie besonderse naweek bygedra het. Oranje waardeer elkeen van julle se toewyding en passie.

Die 21ste ITEC Pietie Coetzee Hokkietoernooi het nie net ’n sportgebeurtenis gebring nie, maar ’n viering van samewerking, talent en Oranje‑trots. Hierdie oorwinning sal nog lank onthou word!

https://oranjeprimer.co.za/

Foto’s verskaf