Bloemfontein – Primêre Meisieskool Oranje vier ’n glorieryke prestasie: die eerste tennisspan het van 21 tot 24 Oktober aan die 20ste Gerrie Berner Laerskole Tennistoernooi in die Paarl deelgeneem en tussen 32 skole uitgestyg as algehele kampioene.
Die pad na die trofee was indrukwekkend:
- Swellendam – Wen 7–0
- Gimnasium – Wen 5–2
- Beaumont – Wen 7–0
- Laerskool Stellenbosch – Wen 6–1
- Finaal teen Eikestad – Wen 6–1
Met vyf oorwinnings het Oranje se Eendjies hul naam gevestig as ware kampioene teen sterk weerstand.
“Ons is ongelooflik trots op elke dogter wat met deursettingsvermoë, talent en spanwerk Oranje se naam hoog gehou het. Hierdie prestasie is een vir die boeke,” het die skoolhoof gesê.
’n Groot woord van dank gaan aan die tennisafrigter en personeel wat die toer vergesel het – julle toewyding en ondersteuning het ’n groot rol gespeel in hierdie sukses.
Oranje‑eendjies, julle is kampioene!
Foto’s verskaf
You must be logged in to post a comment.