Hoërskool Nelspruit het die debatjaar op ’n hoë noot afgesluit by die Con Spirito Debatfinaal in Tulbagh, Wes-Kaap.
’n Sterk Teenwoordigheid
Uit 40 spanne van topdebatskole wat ná streeks- en provinsiale uitdunrondtes meegeding het, was Nelspruit in die bevoorregte posisie om drie juniorspanne in die finaal te hê.
Die juniors het hul vaardighede getoets oor die tema: “Suid-Afrikaners behoort (nie) internasionale aanlynwinkels te ondersteun (nie).”
- Imke Fleming & Eben Smit het Menlopark die stryd aangesê.
- Miané van Niekerk & Jeani Willemse het teen Afrikaans Hoër Seunskool gedebatteer.
- Leilah du Plessis & Elané Janse van Rensburg het kragte gemeet teen Hoërskool Oos-Moot – en hul debat gewen.
Hoewel geen van die spanne ’n plekplasing behaal het nie, is die oorwinning van Leilah en Elané ’n hoogtepunt wat trots bring vir die Nellies.
Die skool spreek sy opregte dank uit aan hoofafrigter advokaat Maritza Uys, sowel as die individuele afrigters me. Luzaan Horn, me. Lizanne Dippenaar en mnr. Pieter Jordaan.
Die Nellie-debatteerders sien reeds met afwagting uit na die 2027-seisoen, vasbeslote om hul merk te maak in die nasionale debatkringe.
Foto’s verskaf
You must be logged in to post a comment.