Twee leerders van Hoërskool Ermelo, Lianie Jansen van Vuuren en Anke Kruger, het vanjaar deelgeneem aan die Nasonale Afrikaanse Ekspo en uitstekend presteer.

Lianie Jansen van Vuuren, graad 12, het met haar opstel “Ballade vir ‘n enkeling” goud verwerf. Die beoordelaars was beïndruk met haar woordvernuf en kreatiwiteit.

Anke Kruger, graad 11, het met albei haar gedigte silwer verwerf en het baie goeie kommentaar gekry oor hoe sy albei onderwerpe, “Krisis” en “Vryheid van die dag” op ‘n kreatiewe en kleurvolle manier in gedigte kon omtower.

Baie geluk aan hierdie twee Erries. Mag julle toekoms mooi woorde inhou en julle besondere skryftalent vir julle genot verskaf.