Hoërskool Durbanville se eie Clea Nel het tydens die afgelope skoolvakansie Suid-Afrika met trots verteenwoordig by die World Championships of Performing Arts (WCOPA) in Las Vegas, VSA. Die kampioenskap is aangebied met 359 deelnemers van oor die wêreld.
Met 7 Solo Sangitems het Clea Nel die verhoog verower in die 13- tot 15 ouderdomsgroep. Sy het die volgende indrukwekkende prestasies behaal:
- 1 x Goud medalje
- 2 x Silwer medaljes
- 2 x Brons medaljes
- Divisiekampioen in Solo Sang
Asof dit nie genoeg is nie, het Clea ook ’n persoonlike uitnodiging ontvang van een van die beoordelaars wat ’n opname-ateljee in Los Angeles bestuur – ’n groot geleentheid wat haar talent verder kan laat blom.
Durbies is ongelooflik trots op jou en jou merkwaardige prestasie op die wêreldverhoog, Clea!
You must be logged in to post a comment.