CENTURION –Beste Akteur-Toekenning. Laerskool Wierdapark het onlangs weer bewys dat die skool se leerders oor uitsonderlike verhoogtalent beskik. Die toneelgroep het’n uitstekende tweede plek tydens die gewilde Pronk Pret-toneelkompetisie behaal.
Die prestasie is verder bekroon met ‘n besondere individuele eer. Derik Olivier word beloon met die beste akteur-toekenning. Hierdie toekenning getuig van sy uitstekende toneelspel, selfvertroue op die verhoog en vermoë om gehore met sy vertolking te beïndruk.
Die sukses van die produksie is die resultaat van maande se harde werk en toegewyde oefeninge. Jong spelers het ‘n passie vir die uitvoerende kunste. Onderwysers, afrigters en ouers het saamgespan om die leerders te ondersteun en die beste uit hul vermoëns te haal.
Laerskool Wierdapark is besonder trots op die toneelgroep se prestasie. Die tweede plek, tesame met die gesogte beste akteur-toekenning, dien as bewys van die hoë standaard van kultuuraktiwiteite wat by die skool bevorder word.
Met hul kreatiwiteit, talent en deursettingsvermoë het die Wieries nie net beoordelaars beïndruk nie, maar ook die harte van ondersteuners gewen.
Die skoolgemeenskap wens Derik en die hele toneelspan geluk met hul merkwaardige prestasie en sien uit na nog vele hoogtepunte op die verhoog.
Foto voorsien
