Allegretto-toneelfees. Hoër Meisieskool Oranje se toneelgroep het weer eens hul merk gemaak op die nasionale verhoog. Die produksie “(S)inK” is gekies as een van slegs 10 finaliste uit 170 inskrywings. Hulle is deur om in Pretoria by die Allegretto-toneelfees te gaan meeding.
Oranje se span het reeds ’n indrukwekkende rekord opgebou. Verlede jaar is hulle as nasionale wenner gekroon. Vanjaar bevestig hulle hul status as ’n toonaangewende kultuurskool deur weer die eindrondte te haal.
Benewens hierdie prestasie het Oranje ook vir die eerste keer in ’n aantal jare aan die Pronk Podium deelgeneem. Hier het hulle met hul produksie tot die halfeindrondte deurgedring – een van net 12 produksies wat die kans kry om in Pretoria op te tree.
Die dubbele deurdringings tot nasionale rondtes onderstreep die breedte van talent en die toewyding van afrigters en leerders.
Oranje se toneelgroep bewys dat hulle nie net op die verhoog uitblink nie, maar ook die kultuurtradisie van die skool met trots en kreatiwiteit uitdra.
Foto verskaf
