Onthaal trots Suid-Afrikaans op Erfenisdag

Saamgestel deur Rachel Jonker

rooi rose deel graag ’n spyskaart vir heerlike kuierkos.

Vleis op die kole

Hier is ’n heerlike kerriesosatieresep. Kerriesosaties | rooi rose

Ons Suid-Afrikaners hou van kerrie. Hoewel ons voorkeure vir die kerriegeur kan verskil verskil (hoe soet dit is, hoe sterk dit is en watter geurmiddels daarby hoort), is dit beslis ’n gesamentlike kultuurerfenis. Kaap-Maleise kerrie het sy wortels in die kooktradisies van Suidoos-Asië, terwyl Durban-kerrie weer deur Indiese arbeiders na Suid-Afrika gebring is.

Kerriesosaties. Foto: rooi rose

Dié blatjanghoendervlerkies sal jou laat smul: Blatjanghoendervlerkies | rooi rose

Blatjang het ook ’n Maleisiese en Indonesiese herkoms, maar het ’n redelike groot gedaanteverwisseling ondergaan. Plek van ’n smeer of pasta wat oorspronklik van gedroogde vis gemaak is, is vrugte hier as die basis van die sous of smeer gebruik.

Gebraaide hoendervlerkies. Foto: Daniel Hooper, Unsplash

Wat is ’n braai sonder ’n lekker tjoppie? Hier is vier verskillende marinades of geursels waarmee jy jou lamstjop kan braai: Lekker lamstjops | rooi rose

Hierdie resep verg ’n bietjie meer tyd en moeite, maar dis nog ’n smaaklike dis vir ’n gesellige braai: Borsstuk oor die kole | rooi rose

Braaibroodjies

Die geskiedenis van brood is hopeloos te lank om hier te noem, maar ’n braaibroodjie is sinoniem met ’n Suid-Afrikaanse braai. Ons kry braaibroodjies in verskeie vorms met verskillende geure, en is min gepla oor enige voorskrifte.

Hier is ’n paar lekker braaibroodjieresepte waarmee jy kan eksperimenteer: Die heerlikste braaibroodjies | rooi rose

Die heerlikste braaibroodjies