TIAAN Erskine, ’n o.20-hamergooi-atleet van die Oostelike Provinsie en ’n eerstejaar student verbonde aan Nelson Mandela Universiteit, het by die onlangse 2021 Twizza SA Junior-kampioenskappe in Paarl tweede plek met ’n persoonlike beste afstand van 60,98m behaal.
Dié prestasie kan toegeskryf word aan Erskine se vegtersgees, waarmee hy reeds talle medaljes die afgelope paar jaar ingepalm het. Sedert hy as o.15-hamergooier deelgeneem het, het hy jaar ná jaar ’n medalje met haarbreedtes gemis. Nou het hy sake uiteindelik reggestel en die silwer medalje verower.
Sy afrigter, Charlie Koen, beskryf hom as ’n hardwerkende, gedetermineerde en vegtende hamergooier en hy het geweet dat die oomblik hom hierdie keer beskore sou wees – wat toe ook so gebeur het.
