Veral die eerste netbalspan van die Hoërskool Diamantveld van Kimberley het ’n uitstekende oorwinning in die afgelope naweek se wedstryde in die Wesgrow Sentrale Skole Sportreeks behaal.
Die o.19-netbalspan van Diamantveld het die span van die Hoërskool Trio op Saterdag 16 Maart in Kroonstad met 63 – 19 op Trio se tuisbaan geklop. Diamantveld het in die netbalwedstryde geseëvier deur al 11 die wedstryde wat gespeel is, te wen.
Diamantveld se eerste rugbyspan het ook as oorwinnaar van die veld gestap, met ’n eindtelling van 29 – 27.
Vir dié wedstryd is Tyron Adams van Trio as die man van die wedstryd aangewys. Vir Diamantveld het De Wet du Plooy, Jayden de Klerk, Kyle Taute, Simon Liversage en Carel Viljoen drieë gedruk, met doelskoppe deur Simon en Charl Swanepoel.
Diamantveld het sewe van die nege rugbywedstryde gewen.
Van die drie hokkiewedstryde het die meisiespanne een gewen, een gelykop gespeel, en een verloor. Diamantveld se seunshokkiespanne het in die stof gebyt met al drie hul wedstryde.
Die uitslae, met Diamantveld se puntetelling telkens eerste, is:
- Rugby:
o.19A: 29 – 27;
o.19B: 41 – 10;
o.19C: 54 – 0;
o.16A: 31 – 14;
o.16B: 33 – 0;
o.15A: 0 – 50;
o.15B: 0 – 52;
o.14A: 42 – 5; en
o.14B: 31 – 0.
- Netbal:
o.19A: 63 – 19;
o.19B: 28 – 7;
o.17A: 29 – 7;
o.16A: 24 – 23;
o.16B: 30 – 3;
o.15A: 28 – 9;
o.15B: 25 – 7;
o.15C: 22 – 6;
o.14A: 22 – 6;
o.14B: 21 – 10; en
o.14C: 16 – 5.
- Hokkie (meisies):
o.18A: 1 – 1;
o.18B: 3 – 0; en
o.16A: 1 – 2.
- Hokkie (seuns):
o.18A: 0 – 6;
o.18B: 0 – 5; en
o.16A: 1 – 3.
Die volgende wedstryde in die Wesgrow-reeks waarin Diamantveld speel, is op Saterdag 20 April teen die Hoërskool Jim Fouché in Bloemfontein.
Die volgende tuiswedstryde vir Diamantveld is op Woensdag 24 April teen die Hoërskool Fichardtpark van Bloemfontein.
