Subraad 8 het die twee-voëls-een-klip-beginsel gebruik om tydelike werk aan werkloses van Strand te verskaf en die Soetrivierkanaal skoon te maak.
Die Stad Kaapstad se Uitgebreide Openbare Werkeprogram-span (EPWP) het op Maandag 13 April met werk aan die Soetrivierkanaal begin.
Die projek strek van Broadway-boulevard, tussen die Morkel’s Cottage- informele nedersetting en Allan Boesak Village af met Boundaryweg langs tot by die Onverwachtpad.
Die EPWP-span is uit wyk 85 gekies.
Die EPWP is ‘n vennootskapsprogram tussen die nasionale regering en die Stad, wat tydelike werksgeleenthede aan werkloses verskaf om armoede te help verlig.
