Ses Strand-inwoners kan nou vryelik beweeg nadat hulle nuwe rolstoele van die Stad Kaapstad ontvang het.

Die subraad 8-voorsitter Chantal Cerfontein het Woensdag 22 Julie die rolstoele namens die burgemeester, Geordin Hill-Lewis, aan die groep oorhandig. Cerfontein is deur gemeenskapslede oor die dringende behoefte genader.

Die begunstigdes is Sheldon van Beulen, Seranda Jacobs, Abel Samuels, Clive Solomons, Tony Ruiters en Elizabeth Rule.

Om die oorhandiging te vier, het Cerfontein ook bederfpakkies uitgedeel.