‘n Gesamentlike gemeenskapsuitreikprojek, wat deur Strand se veiligheidsorganisasies gereël is, het die afgelope Donderdag (14 Mei) in Casablanca plaasgevind. Strand se polisiekantoor, -gemeenskapspolisiëringsforum en -Community in Blue het die uitreik-inisiatief by die Casablanca-saal aangebied, waar sop aan inwoners uitgedeel is.
Die geleentheid het op Hemelvaartdag plaasgevind en is die organisasies se manier om die Christelike waardes van aktiewe diens te bewys en om die gemeenskap te wys dat veiligheid oor meer gaan as net inhegtenisneming.
