Hy is glad nie daarteen gekant om aan ’n leefstyloudit onderwerp te word nie, maar die regte prosesse moet gevolg word, sê Mathanzima Mweli, die direkteur-generaal van basiese onderwys.
“Ek het niks om weg te steek nie,” het Mweli in ’n verdere sarsie in sy openbare twis met Siviwe Gwarube, die minister van basiese onderwys, aan Die Papier gesê. Volgens hom was hy geskok om in die media te lees van bewerings dat hy weier om hom aan ’n leefstyloudit deur die Spesiale Ondersoek- eenheid (SOE) te onderwerp.
Mweli beweer Gwarube en haar woordvoerder het die media persoonlik oor die kwessie gekontak en dat hy die minister daarvan bewus gemaak het dat dit teen die beleid is.
Hy het verwys na beriggewing op verskeie nuusplatforms oor die kwessie. Volgens Mweli was hy self as nasionale departementshoof by die magtiging van die betrokke leefstyloudits op homself en ander senior amptenare betrokke.
- Lees die volledige artikel in Die Papier, wat nou op die rakke is.
- Huisaflewering is ook beskikbaar deur On the Dot te e-pos by diepapierintekening@onthedot.co.za of te bel by 087 353 2191.
- ’n Elektroniese koerant kan ook gekoop word by op novanews.co.za/diepapier of by Magzter.