Die langverwagte Battle of the Boere, oftewel die groot King Price-landbouderby tussen Hoër Landbouskool Oakdale en Boland Landbouskool, het vanjaar weer op Boland se tuisgrond plaasgevind – en die rugbykragmeting het aan die einde ’n riller geword.
Die twee skole se interskole-kragmeting dateer uit 1987 en het oor die jare ontwikkel tot een van die groot hoogtepunte op die landbouskoolkalender. Die wedywering strek egter veel verder as net die rugbyveld, met verskeie sportsoorte en aktiwiteite wat deel van die naweek se verrigtinge vorm.
Op die rugbyveld het die eerste spanne van Oakdale en Boland die toeskouers tot die laaste minuut op die punt van hul stoele gehou. Boland het uiteindelik met net twee punte, 40-36, geseëvier.
Die oorwinning het tot groot feesviering gelei toe skoliere, oudskoliere en ondersteuners ná die eindfluitjie die veld bestorm het om saam met die spelers die sege te vier.
Boland se grootste oorwinning in die derby het in 2018 gekom toe hulle Oakdale met 56-19 verslaan het.
Die landbouskole se rugbytradisie het ook ’n sterk erfenis van verteenwoordigende spelers opgelewer. Sedert die instelling van die Cravenweek in 1982 het Boland volgens die skool se syfers 67 Cravenweek-spelers opgelewer, benewens spelers wat die Suid-Afrikaanse Skolespan en Suid-Afrikaanse Skole Akademiespan verteenwoordig het.
Die Battle of the Boere het reeds Vrydag afgeskop met ’n gholftoernooi en ’n bergfietsuitdaging, wat die verhoog vir ’n naweek van interskole-kompetisie gedek het.
In die bergfietsuitdaging het Boland ook die botoon gevoer en Oakdale met 47-31 geklop tydens die byeenkoms by Rhebokskloof.
Met Boland wat in beide die bergfietsuitdaging en die groot rugbykragmeting as wenners uit die stryd getree het, het die tuisskool uiteindelik die naweek met ’n dubbele oorwinning afgesluit.
Punte aangeteken gedurende die naweek:
Onder 19
| Span | Boland Landbou | Oakdale |
|---|---|---|
| 19A | 40 | 36 |
| 19B | 29 | 24 |
| 19C | 20 | 17 |
| 19D | 23 | 17 |
| 19E | 14 | 7 |
| 19F | 7 | 14 |
| 19G | 34 | 30 |
Onder 15
| Span | Boland Landbou | Oakdale |
|---|---|---|
| 15A | 14 | 21 |
| 15B | 16 | 15 |
| 15C | 22 | 14 |
| 15D | 7 | 17 |
Onder 16
| Span | Boland Landbou | Oakdale |
|---|---|---|
| 16A | 32 | 7 |
| 16B | 10 | 15 |
| 16C | 21 | 24 |
| 16D | 19 | 7 |
Onder 14
| Span | Boland Landbou | Oakdale |
|---|---|---|
| 14A | 6 | 12 |
| 14B | 3 | 27 |
| 14C | 0 | 53 |
| 14D | 0 | 52 |
Kyle Burger
Adrian Smith
Francois Le Roux
Ruan Groenewald
Rico Ferreira (Kaptein)
Moeshaan Mortlock
Callie Wanenburg
Bernard Badenhorst
Mich van Eeden
Marky Kortjie
Luan Mortlock
Andre van der Merwe
Myburgh Eksteen
Nathan-Lee Gordon
Mark-Hein Fourie
Adrian le Roux
MJ Terblanche
Tiaan Malan
Chad Meintjies
RW van Deventer (Kaptein)
Juan Visagie
Josh Kruger
Edrich Rix
Oloff Bergh
Caleb Seroot
Steyn Lamprecht
Cobus Immelman
Divan Meyer
Kobus Jordaan
Charl du Plessis