Die Suide-kerkbasaar, waar 10 gemeentes in die suide van Bloemfontein saam een geleentheid aanbied, is elke jaar ‘n hoogtepunt in Bloemfontein.

Wanneer die basaar op Vrydag 31 Julie om 13:00 in Altonapark in Fichardtpark 13:00 begin, is dit die plek om byeen te kom. Die geleentheid word ‘n vierde jaar agtereenvolgens gehou.

Omdat daar so baie hande is wat saamwerk, is die verskeidenheid groot – van burgers tot braaivleis, pannekoek tot potjiekos, spookasem tot speletjies. Ook vermaak word gebied, onder meer deur pompon-groepe en trompoppies, en in die vorm van karate-demonstrasies, waterstewel-danse en selfs doedelsak-musiek.

Die hart agter die Suide-kerkbasaar is om verskeie gemeentes die geleentheid te gee om geld in te samel. Saamkuier en lag span egter die kroon.