Die oud-Bloemfonteiner Donna le Roux was die naweek vroue-kampioen in die Mbombela Ope-tennistoernooi. Die toernooi is van 17 tot 21 Junie beslis.

Sy het in die eindstryd te staan gekom teen haar dubbelspelspanmaat Morgan Jordaan van Noord-Gauteng, verlede jaar se wenner.

Le Roux, wat aan die Universiteit van Kentucky in Amerika studeer, het Jordaan met 6-1,6-4 geklop en R60 000 prysgeld verwerf.

Le Roux en Jordaan, albei 18 jaar oud, het in die dubbelspel te staan gekom teen Niklitha Ndungane en Simoné Swart en hulle gemaklik met 6-2, 6-2 geklop.

Donna was sewende gekeur vir die toernooi.