Een van Suid-Afrika se mees suksesvolle spanningsromanskrywers, Deon Meyer, en musieklegende Coenie de Villiers het die afgelope tien jaar gehore in vervoering gehad met hul Karoo Suite-produksies.

Die vertonings het gehoorlede in groot getalle getrek vir vol sale oor Suid-Afrika heen.

Die vraag van die publiek vir meer van dié Karoo-verhale en -musiek het egter nog nie vervaag nie.

Deon en Coenie keer ná jare terug na die verhoog met ‘n gestroopte en intieme weergawe van die Karoo Suite-produksies. Hierdie aanbieding is getiteld Karoo-keur: Die beste van die Karoo Suites.

Deon is die verteller, en Coenie skuif agter die klawers in, met die mooiste verhale uit die twee produksies – asook ‘n verrassing of twee.

Karoo-keur: Die beste van die Karoo Suites word op Dinsdag 28 Julie, om 19:00, in die Odeion op die hoofkampus van die Universiteit van die Vrystaat (UV) aangebied.

Kaartjies, met pryse van R200 af, kan op quicket.co.za gekoop word.