Die skaak borde is uitgepak, die horlosies het getik, en toe die stof gaan lê by die CHESS SA Nasionale Skolespankampioenskappe, was dit Welgemoed Ridders wat bo-op die nasionale kroonjuweel gestaan het. Teen ‘n veld van 75 skole en meer as 350 van die land se skerpste jong denkers het die Ridders hulself as Suid-Afrika se onbetwiste skaakkampioene gevestig.

Die goue medaljes is maar net die begin vir hierdie talentvolle groep. Die Ridders se nasionale kroon het vir hulle ‘n plek in die Afrika-kontinentale rondte verseker, waar hulle Suid Afrika tydens die FIDE ISCF-toernooi in Stellenbosch sal verteenwoordig.

Dié kompetisie vind gedurende die Julie-skoolvakansie plaas en sal die Ridders teen die beste jong skaakspelers van Afrika te staan kom.

Die Ridders sal moet skaaf aan hul spel.