Weerligskade aan Eskom-infrastruktuur het inwoners in die Witzenberg-dorpe van Ceres, Op-die-Berg, Prince Alfred Hamlet en sommige van sy omliggende gebiede sedert 19:15 Sondag, 11 Desember, sonder elektrisiteit gelaat.
Verder het die uiterste weerstoestande ernstige uitdagings geskep vir operateurs wat op moeilike terreine moet beweeg om aandag te gee aan foute en sodoende herstelpogings vertraag.
Die beraamde tyd vir die herstel van die elektrisiteitsnetwerk moet nog bepaal word.
Eskom doen ’n beroep op klante wat geraak word om geduldig te wees en om alle elektrisiteitstoestelle gedurende hierdie tyd as lewendig te beskou.
Nog donderstorms word vir later vandag voorspel.
