Op Saterdag 13 Mei omstreeks 13:45 is ’n AfriForum-buurtwaglid helder oordag byna gekaap toe hy in Tulbaghstraat gery en deur verdagtes genader is.
Toe hy stilhou, is ’n vuurwapen op hom gerig, maar hy het daarin geslaag om vinnig weg te ry.
’n Reaksiegroep is ontplooi om hulp te verleen en die lid het self weer omgedraai en die verdagtes agterna gesit.
Daar is toe daarin geslaag om een verdagte aan te keer, maar die gewapende verdagte het te voet gevlug en weggekom.
Intussen het Worcester-polisie, die blitspatrollie, drie AfriForum- buurtwagreaksielede, Fidelity ADT en LTS sekuriteit ook op die toneel opgedaag vir hulp en bystand.
Net een verdagte is egter in hegtenis geneem.
