Die Laerskool Worcester-Oos hou môre (8 Maart) weer sy gewilde Beesloop op die skoolterrein.
Dié jaarlikse byeenkoms vind van 12:00 tot 21:00 plaas.
Dit is die 24ste Beesloop waarna Breedevalleiers kan uitsien.
Vanjaar is daar talle stalletjies om van te kies en te keur. Die dag se aktiwiteite sluit in ’n pret-area vir die jongspan, ’n lafenistent vir die ouer garde en dan ook ’n buitelug-fliek.
Kaartjies is beskikbaar by die skool vanaf 13:00 teen R10 vir volwassenes en R5 vir kinders.
Lootjies vir die Beesloop, waarin R15 000 gewen kan word, is beskikbaar teen R15 elk.
