Weslander het na die Saldanhabaai-munisipaliteit (SBM) oor veiligheid vir die komende vakansietyd op Weskusstrande uitgereik.
Tereza Burger, ‘n woordvoerder vir die SBM, het gesê strande aan die Weskus waar lewensredders in die komende feestyd diens sal doen, is in Saldanha by die Hoedjiesbaai-strand, die Saldanha Pavillion langs die Saldanha-woonwapark, op die strand by Laingville, St Helenabaai, en die strande by Paternoster, en Leentjiesklip in Langebaan.
Dit is noodsaaklik om tussen die lewensredders vlae te bly omdat sleurstrome moeilik is om raak te sien, maar dodelik as jy in een vasgevang word. Lewensredders is opgelei om gevare te identifiseer en swemmers te help – bly dus altyd in lewensreddersgebiede. Om te weet waar die lewensredders gaan wees, soek die gazebo’s met SBM-kentekens of rooi en geel vlae wat aandui waar mense kan swem.
Burger benadruk dat lesers eerder strande moet vermy waar geen lewensredders is nie en veral waar seedeinings hoog is. “Die SBM, saam met die Nasionale Seereddingsinstituut (NSRI) en ander rolspelers, moedig strandgebruikers aan om liefs weg te bly van rotsagtige gebiede.”
Die Nasionale Seereddingsinstituut deel die volgende wenke om veiliger te swem:
• Vermy alkohol wanneer jy gaan swem of boot ry: Die risiko’s wanneer dit by alkohol en water kom, is op dieselfde vlak as om te bestuur nadat jy gedrink het. Alkohol veroorsaak swak balans en ‘n gebrek aan koördinering, wat dit juis gevaarlik maak om te gaan swem of om ‘n boot te bestuur. Dit neem ook jou aandag weg van die kinders oor wie jy heel moontlik toesig hou.
• Hou kinders naby water fyn dop: Tragedies soos kinders wat verdrink, gebeur in stilte; vergeet van die dramatiese gebeure soos in films, want kinders verdwyn net saggies onder die water. Wees te alle tye waaksaam.
• Dra te alle tye ‘n reddingsbaadjie, as jy een het: Selfs sterk swemmers kan onverwags moeg word of swig voor koue en rowwe water. Kies ‘n reddingsbaadjie wat geskik is vir jou aktiwiteit en dra dit wanneer jy ook al op die water is.
• Gebruik die NSRI SafeTRX-toepassing: Die NSRI se gratis SafeTRX-toepassing volg jou koers en waarsku noodkontakte as jy nie betyds terugkeer nie. Met funksies soos regstreekse liggingopsporing en ‘n noodknoppie is dit noodsaaklik om veilig ter see te bly.
• Leer oorlewingswem: Om jouself in die water te dryf en te oriënteer, kan die verskil tussen lewe of dood beteken. Leer swem deur organisasies soos Extreme
• Leer basiese KPR (kardiopulmonêre resussitasie): Om te weet hoe om KPR uit te voer, kan ‘n lewe red. Druk hard en vinnig in die middel van die borskas teen ‘n tempo van 100-120 kompressies per minuut totdat professionele hulp opdaag.
• Gebruik ‘n noodafsluiter op bote: Wanneer jy ‘n boot gebruik, koppel altyd die noodafsluiterkoord aan die bestuurder. Dit verseker dat die enjin stop as die bestuurder oorboord val, wat verhoed dat die boot ‘n wegholgevaar word.
• In ‘n noodgeval, bel onmiddellik die NSRI- stasie 4 by Club Mykonos, Langebaan, by 082 990 5966.
• Bykomende bron: nsri.org.za
