‘n Winkeleienaar van Velddrif het sy hele vrag tjips, ysies en koeldranke verloor toe die bakkie waarmee hy dit van Vredenburg af vervoer het, buite beheer geraak en die kantreling getref het.
Mense het eenvoudig by die ongelukstoneel stilgehou en skaamteloos die hele vrag weggedra.
Kitkatcho Shango, wat net lig in die ongeluk beseer is, kon vanmiddag (3 April) net moedeloos toekyk hoe omstanders die hele vrag wegdra. Dit het verstrooid oor die veld anderkant Siyabonga gelê, langs die Vredenburg-Velddrif-pad.
Sy vriend, John Eremias, het gesê Shango het nie versekering nie, so die vrag wat verlore gegaan het, is vir hom ‘n groot verlies.
Die bakkie was glo erg oorlaai, wat veroorsaak het dat dit buite beheer raak.
Nooddienste, die brandweer, verkeersbeamptes en die polisie was vinnig op die toneel.
Motoriste moes maar geduldig wag om deurgelaat te word.
You must be logged in to post a comment.