Huis Wittekruin in Vredenburg het die afgelope Vrydag (13 September) sy vyfde wynveiling gehou.
Volgens Karin Delport, die bestuurder van Huis Wittekruin, was die aand ’n reusesukses.
“Die kos was uitstekend en van goeie gehalte; almal het dit baie geniet en ons hoop om almal weer volgende jaar te sien,” sê Delport.
Met meer as 40 lotte het die geleentheid gedien as ’n geldinsameling vir die tehuis, waarby die inwoners kan baat vind, en sal spesifiek die teerblad wat in ’n gehawende toestand en vol gate is, herstel kan word.
“Dit is ’n veiligheidsrisiko vir inwoners wat hulself ernstig kan beseer,” vertel Delport. Sy bedank elkeen vir sy bydrae tot die herstel van die teerblad om dit só veiliger vir die inwoners te maak. “U moet besef dat u ’n verskil in elke inwoner se lewe maak.”
Delport bedank ook almal wat die aand bygewoon het, al het hulle nie ’n lot gekoop nie, en voeg by dat almal wat ’n kaartjie gekoop het, ’n bydrae gemaak het. Sy het ook die komitee – Hendrik Louw, Rudi Delport en Koos Meiring – bedank.
Sy bedank ook al die skenkers wat gehelp het om die aand ’n sukses te maak en alles moontlik gemaak het:
Pulpit Rock
Schenkfontein
Pieter en René Vercuiel
Ina Smith
Le Roux & Fourie
Vignerons
Nico van der Merwe Wines
Nuy Winery
Swartland Winery
Piekenierskloof Wines
Du Toitskloof Winery
Simonsvlei
Winkelshoek
Driehoek Plaas
Koos Louw
Marais Erasmus
Wilmarine Jonker
Charlotte Jordaan
Klawer Cellars
Erns Hugo Snr.
Henk en Nicolett Louw
Koos Meiring
Klein Roosboom
Pine & Elzie Pienaar
