Baie mense dink troeteldiere het net kos, water en skuiling nodig, maar liefde, aandag en geselskap is net so belangrik. Honde en katte vorm sterk bande met hul eienaars en het daagliks emosionele versorging nodig.

Honde is sosiale diere wat deel van die gesin wil wees. As hulle te lank alleen is, kan hulle blaf, gate grawe, goed stukkend kou of probeer wegloop. Katte lyk meer onafhanklik, maar kan ook ongelukkig raak, wegkruip, minder eet of ongewenste gedrag toon wanneer hulle afgeskeep voel.

Jy hoef nie duur speelgoed te koop om jou troeteldier gelukkig te maak nie. Speel elke dag met hom, neem jou hond vir ‘n stap, borsel sy pels, praat met hom en gee hom liefdevolle aandag. Kinders kan ook betrokke wees, mits hulle leer om diere met respek en sagkens te hanteer.

‘n Vaste roetine help troeteldiere veilig voel. Gee hulle op gereelde tye kos en maak tyd vir saamwees. Vermy skree of slaan, want dit maak diere bang en kan gedragsprobleme veroorsaak. Prys eerder goeie gedrag en wees geduldig.

Troeteldiere wat liefde en aandag ontvang, is rustiger, gesonder en ontwikkel minder gedragsprobleme. Hulle help ook om mense se stres en eensaamheid te verminder. Selfs met ‘n beperkte begroting kan jy ‘n uitste-

kende troeteldiereienaar wees, want jou hond of kat verlang nie na duur goed nie, maar na jou tyd, liefde en sorg. ‘n Troeteldier wat geliefd voel, beloon jou elke dag met liefde.