In Atlantis en omliggende gebiede was die nat winter ondraaglik vir huishou-
dings – iets wat soms selfs basiese daaglikse take ‘n uitdaging maak.
Volgens Bianca Leonard, die bemar-
kingsbestuurder by die leefstyltegnologiehandelsmerk Solenco. die Solenco- maatskappy, kan gesinne maklik in die koue slegte gewoontes aanleer wat meer skade as goed kan veroorsaak.
“Tussen opeenvolgende koue fronte, reën en voortdurende grys lug voel niks heeltemal droog of warm nie. Selfs eenvoudige daaglikse take soos om ‘n bondel wasgoed droog te maak, het frustrerend en in sommige gevalle ongesond geword, en vir gesinne wat reeds deur stygende kostes oorweldig word, is daar nie veel ruimte in die begroting vir hoë elektrisiteitsrekeninge of deftige verhitting-
stelsels nie.
“Dit is dus geen verrassing dat
TikTok vol “winterwenke” is nie: Tydelike droogmaaktruuks wat die sitkamer in ‘n wassery omskep, oonde wat as verwarmers hergebruik word en klein ontvogtigingsbaddens waarby beïn-
vloeders sweer …
“Om ‘n haardroër te gebruik om vinnig ‘n klam skoolhemp droër te maak, kan dalk in ‘n noodgeval goed wees, maar om die oond oop te los om die sitkamer warm te maak? Dit is ‘n ernstige veiligheidsrisiko.”
Leonard glo een van die ergste goed tot huishoudelike vog bydra, is nat wasgoed wat binnenshuis gehang word om droog te word. “Net een lading nat wasgoed kan tot twee liter water in die lug vrystel en met die vensters dig toe om die koue uit te hou, hang daardie vog rond. Dit kry vatplek aan jou mure en in jou kaste, trek in jou meubels in en skep die perfekte teelaarde vir muf.
“Mufspore kan jou gesondheid ernstig benadeel,” glo Leonard. “Mufspore produseer allergene, irritante en selfs gifstowwe, wat ligte irritasies tot ernstige
asemhalingsprobleme veroorsaak. Dit veroorsaak of vererger allergieë en
outo-immuun-toestande, asma en ekseem, irriteer die longe en kan tot swaminfek-
sies lei.”
Muf is ook nie net iets wat met asyn en wensdenkery weggeskrop word nie.
Volgens Leonard is voorkoming nodig.
Die kern is om die regte langtermyn- oplossings te kies wat binnenshuise toestande aktief verbeter. “ ’n Slim ontvogtiger trek stilweg vog uit die lug terwyl dit ook filtreer en tot 99,9% onsuiwerhede wat in die lug sweef, verwyder. Dit is alles van mufspore tot allergene. Boonop – in vergelyking met die gebruik van ‘n tuimeldroër – is dit tot vyf keer goedkoper.”
Wanneer dit by die verhitting van jou leefruimte kom, beveel Leonard energiedoeltreffende paneelverwarmers met ingeboude termostate aan.
“Dit handhaaf ‘n konstante kamertemperatuur sonder om voortdurend warm lug te blaas. Dit kan aan die muur gemonteer word of as ‘n mobiele eenheid gebruik word, wat veelsydigheid bied. Hul slim funksies stel jou ook in staat om verhittingstye te skeduleer, sodat hulle slegs loop wanneer nodig.”
