Waar het die jaar heengegaan?
Dit voel asof ons gister die jaar beplan het en voornemens opgestel het, en “skielik” is dit 12 maande later.
Tyd wag vir niemand.
Die vakansieseisoen is nou hier, en in baie dele van die wêreld beteken dit twee dinge – eet en inkopies doen, en baie daarvan.
Ooit gewonder hoe om ekovriendeliker of “groen” inisiatiewe vir die feestyd in te span? Om aan die omgewing te dink, beteken nie om jou tradisies en feesseisoen-gunstelinge te vergeet nie – dit beteken net om anders daaroor te dink.
Hier is ’n paar eenvoudige en praktiese maniere om hierdie feestyd groen te kry. Só kan almal help om hul koolstofvoetspoor te verminder.
Volhoubare versierings
Begin ’n ekovriendelike feestyd deur volhoubare versierings te kies. Kies versierings wat uit herwinde materiaal of produkte gemaak is en wat in die toekoms hergebruik kan word. Oorweeg selfdoenprojekte wat natuurlike elemente soos dennebolle, takke en herwonne papier gebruik.
Ekovriendelike geskenke
Gee die gawe van volhoubaarheid deur ekovriendelike geskenke te kies, soos plaaslike produkte of handgemaakte items om plaaslike mense te ondersteun. Oorweeg geskenke wat ’n volhoubare leefstyl aanmoedig, soos herbruikbare waterbottels, lapsakke of ekovriendelike skoonheidsprodukte.
Energiedoeltreffende beligting
Verlig jou feestyd met energiedoeltreffende beligtingsopsies. Kies ligdiode-ligte (LED) bo tradisionele gloeilampe, aangesien hulle minder energie verbruik en langer hou.
Gebruik sonkrag-aangedrewe versierings vir ’n ekovriendelike en kostedoeltreffende oplossing. Onthou om ligte bedags af te skakel en wanneer dit nie gebruik word nie, ten einde elektrisiteit te bespaar.
Natuurvriendelike aktiwiteite
Die streek bied ’n wye verskeidenheid buitemuurse aktiwiteite vir inwoners. Beplan ekovriendelike uitstappies soos strand skoonmaak, stap of pieknieks in plaaslike parke. Hierdie aktiwiteite vier nie net die natuurskoon van Kaapstad nie, maar dra ook by tot die bewaring van die omgewing.
Laat jou vieringe hierdie feestyd ’n verbintenis tot volhoubaarheid weerspieël. Jy kan deur bedagsame keuses oor versierings, geskenke, byeenkomste en aktiwiteite, ’n vreugdevolle vakansie geniet en die omgewing respekteer.
Die feestyd kan makliker op die sak wees indien jy ’n bietjie beplanning doen.
Die span van die Atlantis- spesiale ekonomiese sone (Asez) wens lesers ’n gelukkige feestyd toe – maak herinneringe saam met familie en vriende.. Besoek die Asez se sosialemediaplatforms of stuur e-pos na hello@atlantissez.co.za vir nog inligting oor wat die Asez doen om ’n groener ekonomie by te staan.
