Tennisspelers van die Hoërskool Swartland het Maandag 16 Oktober teen die Hoërskool Porterville gespeel.
Die uitslae was soos volg: eerste seunspan wen 16-2; tweede seunspan wen 12-4; eerste meisiespan wen 16-0; tweede meisiespan wen 10-0.
Die spelers wat hul enkelwedstryde gewen het, was Aiden Cupido, Christian Cupido, Du Preez Erasmus, Irvan Turner, Wian Cotter, Paul du Plessis, Lara Jackson, Elri Coetzee, Cristina van der Merwe, Annabel Basson, Madelé Steyl en Sarli Steyn.
Die seunspan het Woensdag 18 Oktober teen Curro Langebaan gespeel. Swartland het 16-1 gewen.
Du Preez Erasmus, De Wet du Plessis, Wian Cotter en Paul du Plessis het elkeen hul enkelwedstryde gewen.
