Bestanddele
Vir die gebraaide hoenderborsies
4 hoenderborsies
1 eetlepel Cajun-speserye
1 teelepel paprika
¼ teelepel knoffelpoeier
Vir die sampioenrys
2 eetlepels kookolie
3 eetlepels botter
1 eetlepel speserye vir rys
500 g sampioene, in skywe gesny
1 teelepel vars knoffel, fyngedruk
1 koppie langkorrelrys
2¼ koppies hoenderaftreksel
sprietuie, in skywe gesny om voor te sit
Metode:
Plaas die hoenderborsie in ’n klein bak en maak droog met handdoekpapier. Bedek hoender met 1 eetlepel kookolie en strooi eweredig met Cajun-speserye, paprika, knoffelpoeier en sout en peper. Sit dan eenkant.
Verhit 1 eetlepel kookolie en 2 eetlepels botter in ’n groot pot oor matige hitte. Voeg die helfte van die sampioene by, geur met sout en peper en kook tot sag en bruin, sowat 5 tot 6 minute. Verwyder dan en hou eenkant.
Voeg die oorblywende botter by. Wanneer gesmelt, voeg dan oorblywende sampioene by. Kook vir 5 minute of totdat sampioene ligbruin is. Roer die knoffel en speserye vir die rys by. Voeg rys by en meng alles saam. Voeg by en roer die opgeloste hoenderaftreksel by.
Plaas deksel op, bring tot prut. Kook vir 20-25 minute.
Verhit intussen die braaipan tot medium hitte en bedek die bodem met ’n bietjie olie. Braai mn hoender in die pan vir 7-8 minute. Draai om en kook nog 7-8 minute of totdat geen pienk oorbly nie. Rus hoender 3-5 minute voor sny.
Haal rys van stoof af, haal deksel af, roer gereserveerde sampioene en groen uie vinnig by, sit deksel weer op. Laat staan vir 5 minute.
Pluis rys met ’n houtlepel. Sit voor saam met die voorbereide hoender.
– Food24.com.
