Sous
30 ml olie
60 ml mosterdpoeier
125 ml suiker
2 ml sout
250 ml kookwater
250 ml mayonnaise
sap van 1 suurlemoen
125 ml wit druiwe-asyn
30 ml koekmeel
Tong
Twee gaar tonge, vel afgetrek en in skywe gesny (sien wenk)
125 ml sagte broodkrummels
Verhit die oond vooraf tot 180 °C.
Sous
Meng die olie, mosterd, suiker en sout saam en klits die kookwater bietjie vir bietjie by. Klits die res van die bestanddele by.
Pak die tongskywe in ’n oondvaste bak en giet die sous oor.
Sprinkel die krummels oor en bak 45 minute in die oond totdat die sous effens verdik het en die krummels goudbruin is.
Wenk
Maak die tong so gaar:
Bedek dit met koue water. Voeg ’n kruiesakkie, 1-2 wortels, 1-2 uie, 1-2 selderystokkies en 1-2 peperkorrels by. Laat kook, verlaag die hitte en kook sowat 3 uur tot sag. Dompel in koue water en verwyder die vel terwyl die tong nog warm is. As jy die tong in die kookvloeistof laat afkoel, smaak dit beter.
– kreatiewekosidees.com.
